اگر کسی آدمی نے چرس سے بھری ہوئی سگریٹ پی ہو تو کیا اس پر غسل فرض ہو گا ؟
واضح رہے کہ غسل فرض ہونے کے لیے حدثِ اکبر لاحق ہونا (منی کا خارج ہونا یا ہم بستری کرنا یا حیض و نفاس سے پاک ہونا) ضروری ہے، بصورتِ مسئولہ مذکورہ شخص پر اگر چہ غسل فرض نہیں ہوگا، البتہ نشہ کرنا شرعاً حرام ہے، جس پر فوری طور پر توبہ و استغفار کرنا اور آئندہ اس گناہ کو ترک کرنے کا عزم کرنا شرعاً ضروری ہے۔ نیز اگر چرس بھری سیگریٹ پینے سے اتنا نشہ ہوجائے کہ چال میں فرق آجائے اور وہ رشتوں میں فرق نہ کرسکے تو اس کا وضو ٹوٹ جائے گا، نشہ زائل ہونے کے بعد نماز سے پہلے وضو ضروری ہوگا۔ فقط واللہ اعلم
فتوی نمبر : 143909201529
دارالافتاء : جامعہ علوم اسلامیہ علامہ محمد یوسف بنوری ٹاؤن