’’علیزہ‘‘ نام رکھنا جائز ہے ؟ کیا یہ عربی زبان کا لفظ ہے؟ قرآن پاک میں کہیں اس کا ذکر ہے یا کسی صحابیہ کا یہ نام ہے؟
’’علیزه‘‘ کا لفظ بعینہ نہیں مل سکا، البتہ ’’علز‘‘ کے معنی عربی میں گھبرانے اور ڈرنے اور مائل ہونے کے ہیں۔ قرآن پاک میں اس کا ذکر نہیں ہے اور نہ ہی کسی صحابیہ کا نام ’’علیزه‘‘ ہے۔ اس لیے اگر کسی بچی کا نام رکھنا ہے تو ’’علیزه‘‘ کے بجائے کسی صحابیہ رضی اللہ عنہا یا نیک خاتون کے نام پر یا اچھے معنیٰ والا عربی نام رکھ لیجیے۔ اس سلسلے میں ہماری ویب سائٹ کے اسلامی ناموں کے سیکشن سے بھی استفادہ کرسکتے ہیں۔ فقط واللہ اعلم
فتوی نمبر : 144012201241
دارالافتاء : جامعہ علوم اسلامیہ علامہ محمد یوسف بنوری ٹاؤن