کیاعقیقہ میں بغیردانت کے بکری کی قربانی ہوجاتی ہے؟اورعقیقہ کے جانورکی کیاشرائط ہیں؟
عقیقہ کے لیے جانوروں میں ان شرائط کاہوناضرروی ہے جوشرائط قربانی کے جانوروں کے لیے ہیں۔یعنی جن جانوروں کی قربانی درست ہے ان سے عقیقہ کرنابھی درست ہے۔عقیقہ اورقربانی کے لیے جانوراوران کی عمریں مندرجہ ذیل ہیں:
۱۔بکرا وغیرہ چھوٹاجانور ایک سال کی عمرکاہو
۲۔گائے ،بیل بھیس وغیرہ دوسال کی
۳۔اونٹ پانچ سال کاہوناضروری ہے،اگرمذکورہ جانوروں کی عمریں متعینہ عمروں سے کم ہیں توقربانی اورعقیقہ درست نہیں۔البتہ اگربھیڑ اوردنبہ ایک سال سے کم اورچھ مہینے سے زائدکاہومگراتنافربہ ہوکہ ایک سال کامعلوم ہوتاہوتواس کی قربانی وعقیقہ درست ہے۔
باقی اگر عقیقہ کرنے والی بکری کی عمر مذکورہ حد تک پہنچ چکی ہو اہو اور دانت نہ ہو تب بھی عقیقہ درست ہوگا۔
فقط واللہ اعلم
فتوی نمبر : 143705200012
دارالافتاء : جامعہ علوم اسلامیہ علامہ محمد یوسف بنوری ٹاؤن