عصر اور مغرب کے درمیان کیا قضا نماز پڑھ سکتے ہیں؟ عصر اور مغرب کے درمیان قرآنِ مجید پڑھنے کےدوران سجدہ تلاوت کر سکتے ہیں؟
عصر کے بعد سورج زرد ہونے تک قضا نماز پڑھ سکتے ہیں۔ نیز عصر کے بعد سورج کے زرد ہونے تک سجدہ تلاوت کی ادائیگی درست ہے۔البتہ عین غروب کے اوقات میں سجدہ تلاوت جائز نہیں، الا یہ کہ اسی وقت آیتِ سجدہ کی تلاوت کی تو اس سجدہ تلاوت کی ادائیگی کی اجازت ہوگی۔''فتاوی ہندیہ'' میں ہے:
"( الفصل الثالث في بيان الأوقات التي لاتجوز فيها الصلاة وتكره فيها) ثلاث ساعات لاتجوز فيها المكتوبة ولا صلاة الجنازة ولا سجدة التلاوة: إذا طلعت الشمس حتى ترتفع، وعند الانتصاف إلى أن تزول، وعند احمرارها إلى أن يغيب، إلا عصر يومه ذلك؛ فإنه يجوز أداؤه عند الغروب". (2/257) فقط واللہ اعلم
فتوی نمبر : 144004200961
دارالافتاء : جامعہ علوم اسلامیہ علامہ محمد یوسف بنوری ٹاؤن