سوال

عرب ممالک میں مسجد میں قبلے کی طرف پاؤں کرنا اور قرآن شریف نیچے رکھ کر خود کرسی پر بیٹھنا عام ہے، جب کہ ہم احناف بہت ادب کے قائل ہیں جس کو یہاں لوگ بدعت کہتے ہیں۔ اس بارے میں کیا حکم ہے؟

جواب

فقہاءِ کرام  نے عمداً  قبلہ کی طرف پاؤں  پھیلانے کو مکروہِ تحریمی لکھا ہے، اسی طرح قریب ہی قرآن مجید کے نیچے رکھے ہونے کی صورت میں خود اوپر بیٹھنا بھی بے ادبی میں شمار کیا ہے، اس لیے اگر کوئی قوم اس فعل میں مبتلا ہو تو ان کو  اس سے رجوع کرنا چاہیے اور ایسی عادات کو ترک کرنا چاہیے۔

الدر المختار وحاشية ابن عابدين (رد المحتار) (1/ 655):
"(ويكره) تحريماً ....  (مد رجليه في نوم أو غيره إليها) أي عمداً؛ لأنه إساءة أدب قاله منلا ناكير، (أو إلى مصحف أو شيء من الكتب الشرعية". فقط واللہ اعلم