ہم نے ایک طوطا پکڑا ہے تو اس طوطے کو کیا کرنا چایئے؟ اڑا دیں، پال لیں یا بیچ دیں اور پیسے کھا لیں یا بیچ کر پیسے صدقہ کردیں یا پھر کچھ اور کریں؟
اگر وہ طوطا جنگلی ہے پکڑنے والے کی ملکیت اس پر ثابت ہوگئی ہے، اب اس کو اڑا دیں تو بہتر ہے، پالنا چاہیں تو پال بھی سکتے ہیں بشرطیکہ اس کے دانے پانی کا خیال رکھا جائے، بیچ دیں تو رقم میں اختیار ہے کہ استعمال کریں یا صدقہ کردیں، اور اگر پالتو ہے اور مالک کا پتہ ہو تو اس کو واپس کرنا لازم ہے، مالک کا پتہ لگنا مشکل ہو تو فروخت کرکے اس کی رقم مالک کی طرف سے صدقہ کردیں۔ واللہ اعلم
فتوی نمبر : 143708200029
دارالافتاء : جامعہ علوم اسلامیہ علامہ محمد یوسف بنوری ٹاؤن