عمرہ کے دوران اگر طواف کے بعد والی دو رکعت نہ پڑھ پائے اور اس کے بغیر ہی حلق کروا لے تو اس کا کیا حکم ہے ؟
طواف کے بعد دو رکعت ادا کرنا واجب ہے، (چاہے طواف نفلی ہو یا حج کا طواف ہو یا عمرہ کا ) اور ان کی ادائیگی میں تاخیر کرنا مکروہ ہے ، البتہ تاخیر کی وجہ سے دم واجب نہیں ہوتا اور جب تک دو رکعت ادا نہ کرلی جائیں یہ ساقط نہیں ہوتیں ؛ لہٰذا اگر عمرے کے طواف کے بعد دو رکعت ادا کرنا رہ گئیں اور سعی سے فارغ ہونے کے بعد حلق کرالیا تو اس کی وجہ سے دم واجب نہیں ہوگا، البتہ طواف کے بعد کی رکعات ادا کرنا ضروری ہوگا۔ فقط واللہ اعلم
فتوی نمبر : 143908200450
دارالافتاء : جامعہ علوم اسلامیہ علامہ محمد یوسف بنوری ٹاؤن