میاں نے طلاق کے پیپر تیار کرائے، دستخط کیا اور کسی کو بتایا نہیں ۔ مگر بیوی نے چپکے سے دیکھ لیا، کیا طلاق واقع ہوگئی؟
میاں نے طلاق کے پیپر تیار کرائےدستخط کیا تو بیوی پر طلاق واقع ہوگئی ہے۔
اگر اس میں تین طلاقیں لکھی ہوئی ہیں یا طلاقِ بائن لکھی ہو تو پھر بیوی کا شوہر کے ساتھ رہنا درست نہیں۔ لہذا شوہر کے سامنے اس کا اظہار کرکے علیحدگی اختیار کرلے۔
"إن کانت مرسومةً یقع الطلاق نویٰ أو لم ینو، ثم المرسومة لاتخلو إما أرسل الطلاق بأن کتب أما بعد! فأنت طالق، فکما کتب هذا یقع الطلاق، وتلزمها العدة من وقت الکتابة". (شامي، ۴/۴۵۶)
"رجل استکتب من رجل اٰخر إلیٰ امرأته کتابًا بطلاقها ، وقرأه علی الزوج ، فأخذه وطواه وختم وکتب في عنوانه وبعث به إلی امرأته ، فأتاها الکتاب ، وأقرّ الزوج أنه کتابه ، فإن الطلاق یقع علیها". ( الفتاویٰ الهندیة ، کتاب الطلاق / الفصل السادس في الطلاق بالکتابة)فقط واللہ اعلم
فتوی نمبر : 143909201904
دارالافتاء : جامعہ علوم اسلامیہ علامہ محمد یوسف بنوری ٹاؤن