ایک عورت نے شادی کی، شادی کے کچھ عرصہ بعد اس کو طلاق ہو گئی ،اس خاتون نے اپنی عدت پوری کر کے دوسرے آدمی سے شادی کر لی، پھر کچھ عرصہ بعد اس دوسرے آدمی سے طلاق لے کر پہلے شوہر سے دوبارہ شادی کر لی ،پھر تین سال تک پہلے شوہر کے ساتھ اس کے نکاح میں رہی ،پھر دوبارہ طلاق ہو گئی، اس عورت کا ایک بیٹا اور دو بیٹیاں ہیں اور چھوٹی بیٹی ابھی دودھ پی رہی ہے، اب اس عورت نے عدت پوری کر کے دوبارہ اس دوسرے آدمی سے نکاح کر لیا ہے،اس مسئلہ کی وضاحت قرآن و سنت کی روشنی میں فرما کر عند اللہ ماجور ہوں۔
مذکورہ عورت اگر ہر مرتبہ طلاق کے بعد عدت پوری کرکے دوسرے شوہر سے نکاح کرتی رہی توتمام نکاح درست ہوئے ہیں۔فقط واللہ اعلم
فتوی نمبر : 143906200049
دارالافتاء : جامعہ علوم اسلامیہ علامہ محمد یوسف بنوری ٹاؤن