سوال

آپ نے مجھے فتوی دیا تھا کہ مجھے اپنے شوہر سے خلع یا طلاق لینی ہوگی،مگر وہ نہ تو مجھے طلاق دینے کے لیئے تیار ہے اور نہ ہی خلع، بلکہ مجھے تنگ کرکے رکھا ہوا ہے۔ میرے دل میں نہ ان کے لیئے کوئی عزت ہے اور نہ ہی پیار، وہ آدمی میرے لیئے ناسور بن گیا ہے، عذاب ہے اس کےساتھ رہنا ، مجھے کوئی راستہ بتائیں میں کیسے اس سے الگ ہوسکتی ہوں اور اپنی زندگی سکون سے گذار سکتی ہوں ۔میرے نکاح کا میرے گھر والوں کو علم نہیں ،میرے شوہر اور میں ساتھ بھی نہیں رہتے، میری مدد کریں۔

جواب

 صورت مسئولہ میں سائلہ عدالت سے رجوع کرے اور ثابت کرے کہ  شوہر نہ تو نان نفقہ ادا کرتا ہے اور نہ ہی ازدواجی حقوق،  عدالت میں یہ دعوی ثابت ہوجانے کے بعدبھی اگر شوہر حقوق ادا نہیں کرتا  تو عدالت  فسخ نکاح کی ڈگری جاری کرسکتی ہے۔ واللہ اعلم