سوال

الحمدللہ  میں فارغ التحصیل ہوں، لیکن مجھے کچھ فنون میں کم زوری درپیش ہے،  اور وہ فنون مختلف درجات میں پڑھائے جاتے ہیں،  میں ان فنون کا ازالہ کرنا چاہتا ہوں، اس کا کوئی بہتر طریقہ کار بتا دیں یا نیو ٹاؤن کے اندر کوئی ایسی ترتیب ہو مختلف درجات میں بیٹھ کر کر مختلف فنون پڑھے جا سکتے ہوں؟

جواب

فی الحال ہمارے ہاں فنون کے تکملہ یا فارغ التحصیل فضلاء کے لیے مختلف درجات کے دروس میں شرکت کرکے اپنے فنون کی کم زوری دور کرنے کی ترتیب نہیں ہے، کسی ایسے ادارے  کی تحقیق و جستجو کرلیجیے جہاں یہ ترتیب ہو۔

بصورتِ دیگر ابتدائی درجات سے تدریس کا سلسلہ شروع کردیجیے، جس فن کی ابتدائی کتاب آپ کو حوالہ کی جائے اپنے قریب علاقے میں اس فن کے کسی ماہر عالم سے مسلسل راہ نمائی لیتے رہیے، درس سے پہلے خود بھی اچھی طرح مطالعہ کیجیے، اور مشکل پیش آنے کی صورت میں ماہرِ فن عالم سے رجوع بھی کیجیے، ان سے  تدریس کے حوالے سے بھی راہ نمائی لیتے رہیے، حتی الوسع اپنی تیاری مکمل کرکے پھر طلبہ کو درس دیجیے، ان شاء اللہ تدریس کا سلسلہ شروع کرنے سے آپ کی استعداد بہتر ہوتی جائے گی۔ فقط واللہ اعلم