سوال

کیا شراب کے ڈبے کو اٹھانا اور ریک پر سیٹ کرنا اور  اس کو دکان میں بیچنا حرام ہے یا صرف پینا حرام ہے؟

جواب

مسلمان کے لیے ان کاموں کا کرنا بھی جائز نہیں ہے؛ اس لیے  کہ اس میں گناہ میں دوسروں کی مدد کرنا شامل ہے ، اور نبی کریم صلی اللہ علیہ وسلم نے شراب کے بارے میں دس لوگوں پر لعنت فرمائی ہے، ان میں سے شراب اٹھانے والے، بیچنے والا اور دوسروں تک پہنچانے والا بھی ہے؛ اس لیے ایسے ملازم کو  مذکورہ نوکری چھوڑ کر دوسری نوکری تلاش کرنی چاہیے۔ اور اگر دکان/اسٹور پر شراب کے علاوہ حلال اشیاء بھی ہوں تو وقتی طور پر یہ کیا جاسکتاہے کہ اسٹور کے مالک یا ذمہ دار کو بتادے کہ بحیثیتِ مسلمان میرے لیے یہ کام اور اس کی آمدن جائز نہیں ہے، اس لیے شراب کے ڈبے یا دیگر حرام اشیاء بیچنے اور اٹھا کردینے کا کام میں نہیں کرسکتاہوں، پھرصرف حلال اشیاء اٹھاکر ریک پر سیٹ کرے اور گاہک کو دے، اس صورت میں متبادل انتظام تک اجازت ہوگی۔ فقط واللہ اعلم