اگر کسی سید شخص کی بیوی غیر سید ہو اور مستحق ہو تو کیا اسے زکات دے سکتے ہیں؟ نیز اس زکات کی رقم کو وہ عورت گھر کا کرایا ادا کرنے اور اپنے سید شوہر و بچوں کی دیگر ضروریات پوری کرنے میں صرف کر سکتی ہے؟
سید شخص کی بیوی اگر غیر سید ہو اور مستحقِ زکات بھی ہو تو اسے زکات دینا جائز ہے، زکات کی رقم وصول کرنے کے بعد وہ اس رقم کی مالک ہوگی، چناں چہ وہ اپنے اختیار سے اس رقم کو گھر کے کرایہ اور شوہر و بچوں کی دیگر ضروریات میں بھی خرچ کرسکتی ہے۔فقط واللہ اعلم
فتوی نمبر : 144008200611
دارالافتاء : جامعہ علوم اسلامیہ علامہ محمد یوسف بنوری ٹاؤن