سونے کی خریدو فروخت کرتے وقت نقد پیسے دینا ضروری ہے ؟ مثلاً: 1 تاریخ کو کچھ سونا خریدا ,پھر 5 تاریخ کو اور خریدا ,پھر سنار کا حساب 8 تاریخ کو کیا تو صحیح ہے ؟
سونے چاندی کی روپیہ پیسے کے بدلے خرید وفروخت شرعاً "بیعِ صرف" کہلاتی ہے ، اور بیعِ صرف کا حکم یہ ہے کہ اس میں دونوں طرف سے نقد ادائیگی ضروری ہے؛ اس لیے سونا خریدنے کا مذکورہ طریقہ درست نہیں۔ درست طریقہ یہ ہے کہ پہلے بیع کا وعدہ کرلیا جائے، پھر جس وقت سونا تیار ہو اور نقد ادائیگی کا انتظام ہو اس وقت نقد سودا کرلیا جائے۔فقط واللہ اعلم
فتوی نمبر : 143909201655
دارالافتاء : جامعہ علوم اسلامیہ علامہ محمد یوسف بنوری ٹاؤن