سمون طاہر نام کا مطلب کیاہے؟
لفظ "سمون " اگر "س" اور "میم" پر پیش کے ساتھ پڑھا جائے تو یہ "سمن" کی جمع ہے، اس کا معنی ہے: "گھی، دودھ اور مکھن کا خلاصہ" وغیرہ۔ "س" پر زبر ہو تو عربی لغت کے لحاظ سے یہ لفظ درست نہیں ہے، البتہ "سمین" موٹے کو کہتے ہیں۔ اور "طاہر " کا معنی ہے:"پاکیزہ "۔ مذکورہ نام میں لفظ "طاہر" لڑکے کے لیے اچھا اور بامعنی نام ہے، صرف یہی نام رکھنا کافی ہوگا۔ اور اگر بچی کا نام رکھنا ہے تو "طاہرہ" نام رکھ دیا جائے۔ "سمون" کے بجائے انبیاء کرام علیہم الصلاۃ والسلام اور صحابہ کرام رضی اللہ عنہم کے ناموں میں سے کوئی یا بامعنی نام رکھاجائے۔ فقط واللہ اعلم
فتوی نمبر : 143902200015
دارالافتاء : جامعہ علوم اسلامیہ علامہ محمد یوسف بنوری ٹاؤن