میری بیٹی کا نام ’’سقیط کنزہ‘‘ ہے. کیسا نام ہے؟ اور اس کا مطلب کیا ہے؟
’’سقیط‘‘ کے مختلف معانی ہیں: بے وقوف،کم عقل،برف۔شبنم،یخ،اولہ ۔
’’کنزه‘‘ عربی قواعد کے اعتبار سے درست لفظ نہیں ہے، اس مادے سے اس کے قریب قریب لفظ "کنز" ہے(کاف پر زبر اور نون ساکن)، اس کا معنی جمع کرنا ،ذخیرہ کرنا ،زمین میں دفن کرنا، نیزے کو زمین میں گاڑھنا،دفن کیا ہوا مال،اسی طرح "کنز" (کاف پر زبراور نون کے نیچے زیر): اس کا معنی ہے: سخت گوشت والا۔
اگرچہ یہ نام رکھنا بعض معنیٰ کی رعایت رکھتے ہوئے درست ہے، لیکن بہتر یہ ہے کہ صحابیات کے اسماءِ مبارکہ میں سے کسی نام کا انتخاب کرلیں، یا ایسا بامعنیٰ عربی نام رکھیں جس میں نامناسب معنیٰ کا احتمال نہ ہو۔فقط واللہ اعلم
فتوی نمبر : 144008200553
دارالافتاء : جامعہ علوم اسلامیہ علامہ محمد یوسف بنوری ٹاؤن