سوال

میں نے ایک مسئلہ پوچھا تھا سالی سے نکاح کے متعلق ، کہ سالی سے نکاح جائز ہے یا نہیں؟مہربانی فرما کر میری راہ نمائی فرمائیں،کیوں کہ میں نے پھر باہر چلے جانا ہے،  اگر نکاح جائز ہے تو میں کرکے پھر جانا چاہتا ہوں۔

جواب

صورتِ مسئولہ میں جب تک  آپ کی بیوی حیات ہیں اور   آپ کے نکاح  یاعدت میں ہیں، اس وقت تک آپ ان کی بہن یعنی اپنی سالی سے  نکاح نہیں کرسکتے،بیوی کی موجودگی میں ا س کی بہن سے نکاح کرناحرام ہے۔ البتہ اگر آپ کی بیوی کا انتقال ہوچکا ہے، یا آپ نے طلاق دے دی ہے اور عدت گزرچکی ہے تو پھر آپ کے لیے سالی سے نکاح کرنا جائز ہوگا۔

﴿ حُرِّمَتْ عَلَيْكُمْ... وَأَنْ تَجْمَعُوْا بَيْنَ الأُخْتَيْنِ..الآية ﴾ (النساء:23)

''فتاوی ہندیہ'' میں ہے:

'' (وأما الجمع بين ذوات الأرحام) فإنه لايجمع بين أختين بنكاح ولا بوطء بملك يمين سواء كانتا أختين من النسب أو من الرضاع، هكذا في السراج الوهاج''. (القسم الرابع: المحرمات بالجمع ٢٧٧/١ ط:رشيدية)فقط واللہ اعلم