اگر کھانے پینے کی کوئی چیز جو حرام تو نہیں ہو ،مگر انسانی جسم کے لیےنقصان دہ ہو جیسے سافٹ ڈرنک مثلاً : کوکا کولا یا پیپسی کولا وغیرہ جس کا فوری طور پر تو کوئی نقصان محسوس نہیں ہوتا ،مگر طویل مدت بعد یا بہت زیادہ استعمال سے کم مدت میں بھی نقصان ظاہر ہو جاتا ہے، تو کیا اس قسم کی چیزوں کی تشہیر کرنا اور اس تشہیر کی آمدنی لینا جائز ہوگا یا نہیں؟
سافٹ ڈرنکس کا معتدل استعمال مضر نہیں ہے تو ان کی تشہیر کرنا اور تشہیر پر رقم لینا بھی حلال ہے، بشرطیکہ ان کی تشہیر میں کوئی حرام کام مثلاً: تصویر سازی اور موسیقی وغیرہ شامل نہ ہو، اگر تشہیر میں کوئی حرام کام مثلاً: تصویر سازی یا موسقی وغیرہ شامل ہے تو ایسی صورت میں تشہیر کی آمدنی حلال نہیں ہوگی۔ فقط و اللہ اعلم
فتوی نمبر : 143903200047
دارالافتاء : جامعہ علوم اسلامیہ علامہ محمد یوسف بنوری ٹاؤن