سوال

 میری بیگم کے پاس 7 تولے سونا ہے جو کہ اس کی ملکیت ہے , کیا اس پر زکات واجب ہے?

جواب

اگر آپ کی اہلیہ کی ملکیت میں صرف سونا ہے، چاندی، کیش یا مالِ تجارت میں سے کچھ بھی نہیں ہے تو ایسی صورت میں آپ کی اہلیہ پر سونے کا نصاب مکمل نہ ہونے کی وجہ سے زکات واجب نہ ہو گی۔ اور اگر ان کی ملکیت میں سونے کے علاوہ ضرورت سے زائد کچھ رقم یا چاندی یا مالِ تجارت ہے تو چوں کہ اس صورت میں دونوں کی مالیت مجموعی طور پر چاندی کے نصاب کو پہنچ جائے گی اس لیے کل مالیت پر ڈھائی فی صد زکات واجب ہو گی۔ فقط واللہ اعلم