سوال

زکاۃ کب فرض ہے؟

جواب

جس مسلمان عاقل بالغ شخص کی ملکیت میں ساڑھے سات تولہ سونا ،یاساڑھے باون تولہ چاندی یاساڑھے باون تولہ چاندی کی قیمت کے برابر نقد رقم یامالِ تجارت موجود ہو یا ان چاروں چیزوں میں کسی بھی دو یازائد کامجموعہ ساڑھے باون تولہ چاندی کے برابر پہنچتاہو اور وہ شخص مقروض بھی نہ ہوتواس مال پر سال گزرنے کی صورت میں زکاۃ واجب ہوگی۔خلاصہ یہ ہے کہ جس شخص کے پاس ضروریات اصلیہ کے علاوہ نصاب کے برابر زیور ،نقدرقم یامال تجارت موجود ہو اس پر زکاۃ واجب ہے۔فقط واللہ اعلم