پوچھنا یہ ہے کہ ’’زمل‘‘ ٹھیک نام ہے یا ’’زیمل‘‘؟ ’’زمل نور‘‘ یا ’’زیمل نور‘‘ میں سے کون سا نام ٹھیک ہے ؟
یہ لفظ اصل میں ’’زمل‘‘ ہے نہ کہ ’’زیمل‘‘ ۔عربی لغت کے اعتبار سے اس لفظ کے معنی نام رکھنے کے لیے درست نہیں ہیں۔ یہ لفظ زا کے زیر، میم کے سکون کے ساتھ، بوجھ، کم زور، سست، کم تر کے معنی میں ہے۔
لہذا اگر لڑکی کا نام رکھنا ہے تو یہ نام رکھنے کے بجائے کوئی اچھے معنی والا نام یا کسی صحابیہ یا نیک مسلمان خاتون کے نام پر نام رکھیں، اور اگر لڑکے کا نام رکھنا ہو تو کسی نبی علیہ السلام یا صحابی کے نام پر یا اچھے معنی والا کوئی نام رکھیں۔ فقط واللہ اعلم
فتوی نمبر : 144008200569
دارالافتاء : جامعہ علوم اسلامیہ علامہ محمد یوسف بنوری ٹاؤن