ایک بندے کوبواسیرہےکبھی پیپ آجاتی ہے، وہ نمازِ جمعہ کےلیے مسجد میں گیا ٹشو رکھا ہوا تھا، جماعت سے پہلے ٹشو زمین پر گرا، اس نے اٹھا کر جیب میں رکھ لیا ٹشو گندا ہوچکا تھا،مسجد کے تقدس کوسامنے رکھتے ہوئے ٹشو جیب میں رکھ کر جماعت سے نمازپڑھ لی تو کیا نماز اداہوگئی ہے؟
مذکورہ شخص نے جب پیپ روکنے کے لیے روئی رکھی اور بعد میں وہ روئی گر گئی اور اس پر پیپ وغیرہ موجود تھا تو اس کا وضو ٹوٹ گیا، اگر اس نے وضو کے بغیر نماز پڑھ لی تو اب چار رکعت ظہر کی نماز کا اعادہ کرنا لازم ہوگا۔
'' ولو ألقى عليه الرماد، أو التراب فتشرب فيه، أو ربط عليه رباطاً فابتل الرباط، ونفذ قالوا: يكون حدثاً؛ لأنه سائل، وكذا لو كان الرباط ذا طاقين فنفذ إلى أحدهما لما قلنا''۔ (بدائع الصنائع، 1/ 27، ط: سعید) فقط واللہ اعلم
فتوی نمبر : 143908200325
دارالافتاء : جامعہ علوم اسلامیہ علامہ محمد یوسف بنوری ٹاؤن