سوال

کیا ‘‘محمدریان’’ اور ‘‘محمد آیان’’ مد کے ساتھ بچے کا نام رکھنا صحیح ہے؟ نیز ان کےمعنی کیا ہیں؟ اوریہ کس زبان کے الفاظ ہیں؟ 

جواب

لفظ ریان عربی زبان کا لفظ ہے، اس کے معنی پانی سے خوب سیراب ہونے والے ہیں،اس لیے اس معنی کے اعتبار سے بچے کا نام محمد ریان رکھنا ٹھیک ہے۔ جب کہ "ایان" بغیر مد کے عربی زبان میں "کب؟" کے معنی میں استعمال ہوتا ہے،(یعنی کسی چیز کے واقع ہونے کے زمانے کے بارے میں سوال کے لیے استعمال ہوتا ہے)، چونکہ لفظ ایان کے کوئی معقول معنی نہیں ہیں، اس لیے  ایان نام رکھنا ٹھیک نہیں ہے۔الف مد کے ساتھ لفظ "آیان" عربی زبان کا لفظ نہیں ہے، کس زبان کالفظ ہے؟ یہ معلوم نہیں ہوسکا۔