نماز کی حالت میں رکوع اور سجدہ پر قدرت نہ ہو تو نماز کیسے پڑھی جائے گی؟ قیام اور رکوع کھڑے ہوکر کرسکتے ہیں یا بیٹھ کر کریں؟
سجدہ پرقدرت نہ ہونے کی صورت میں قیام کی فرضیت ساقط ہوجاتی ہے۔لہذا اگر کوئی سجدہ پرقادرنہیں، نیزسجدہ سے قیام کی طرف اٹھنابھی دشوارہے توایسی صورت میں بیٹھ کراشارے سے رکوع سجدہ کرتے ہوئے نمازاداکرے,کھڑے ہوکر بھی اشارہ سے رکوع وسجود کرسکتے ہیں، لیکن افضل یہ ہے بیٹھ کر اشارہ سے رکوع سجدہ کیا جائے؛اس لیے کہ قیام کی فرضیت سجدہ کے وسیلہ کے طور پر ہے، جب سجدہ پر قدرت نہیں تو قیام کی فرضیت ساقط ہے ۔فتاوی ہندیہ میں ہے: "وکذا لوعجز عن الرکوع والسجود وقدر علی القیام فالمستحب ان یصلی قاعدا بایماء وان صلی قائما بایماءجاز عندنا"( ج: ۱، ص: ۱۳۶) فقط واللہ اعلم
فتوی نمبر : 143803200004
دارالافتاء : جامعہ علوم اسلامیہ علامہ محمد یوسف بنوری ٹاؤن