سوال

روزے میں کسی نے اگر بھولے سے غرغرہ کر لیا تو اس کے روزے کا کیا حکم ہے؟

جواب

روزے کی حالت میں غرغرہ کرتے ہوئے پانی اگر حلق میں چلاجائے اور روزہ دار کو روزہ بھی یاد ہو تو روزہ ٹوٹ جاتا ہے، ایسے روزے کی قضا لازم ہے۔ البتہ اگر  اسے روزہ یاد نہیں تھا یا پانی حلق سے نیچے نہیں اترا اور روزہ دار نے کلی کے بعد اچھی طرح تھوک دیا تو اس سے روزہ نہیں ٹوٹے گا۔ بہرصورت روزے کی حالت میں غرغرہ نہ کیا جائے؛ کیوں کہ پانی حلق سے نیچے اترنے کا اندیشہ رہتاہے۔ فقط واللہ اعلم