سوال

فیس بک پر یا نیٹ کے کسی اور شعبہ میں غیر محرم کی تصویر گزر رہی ہو تو نظر آنے پر کیا روزہ پر کوئی اثر پڑے گا؟

جواب

روزے کی حالت میں روزہ دار کو چاہیے  کہ وہ اپنی زبان، نگاہ اور کانوں کی حفاظت کرے، نگاہ کی حفاظت کے لیے ضروری یہ ہے کہ ایسی ویب سائٹس جن پر بدنگاہی یقینی ہے ان سے اجتناب کرے، اور اپنے اوقات کو بے مقصد کاموں میں برباد کرنے کے بجائے اللہ رب العزت کو راضی کرنے میں لگائے۔  بدنگاہی ثواب میں کمی کا باعث ہے، اگرچہ روزہ فاسد نہیں ہوگا۔ فقط واللہ اعلم