کہتے ہیں کہ رمضان المبارک میں نۓ کپڑے پہننے سے اللہ تعالی قیامت والے دن اس کا حساب نہیں لیں گے، یہ بات کس حد تک درست ہے؟ مہربانی کر کے بتائیں!
احادیث میں رمضان المبارک کے بہت فضائل وارد ہوئے ہیں،من جملہ ان میں سے ایک فضیلت یہ ہے کہ اس مہینے میں ہر عمل کا ثواب فرض کے برابر کر دیا جاتا ہے اور اس مہینے میں مؤمن کا رزق بڑھا دیا جاتا ہے۔ لیکن ہمیں ایسی کوئی روایت نہیں ملی جس میں اس بات کا ذکر ہو کہ جو شخص رمضان میں نیا لباس پہنے گا اس سے قیامت کے دن حساب نہیں ہو گا؛ لہذا اس روایت کو آگے نقل کرنے سے گریز کریں۔فقط واللہ اعلم
فتوی نمبر : 143909201559
دارالافتاء : جامعہ علوم اسلامیہ علامہ محمد یوسف بنوری ٹاؤن