سوال

ہم دوحہ قطر میں ہیں، یہ پوچھنا ہے کہ ہم جمعے کے دن یہاں نماز سے پہلے چار رکعت سنت کب ادا کریں؟  کیوں کہ یہاں نماز سے پہلے دو اذانیں  ہوتی ہیں،  ایک اذان نماز ظہر کا  وقت داخل ہونے سے پہلے ہوتی ہے اور دوسری اذان ظہر کا  وقت داخل ہوتے ہی دی جاتی ہے۔دوسری اذان کے فوراً  بعد بیان شروع ہوجاتا ہے جو تقریباً  20 یا 25 منٹ تک ہوتاہے۔جاننا یہ ہے کہ یہ بیان خطبہ ہوتا ہے یا خطبہ اس کے آخرمیں بیان کیا جاتا ہے۔کیا ہم سنت اس بیان کے دوران ادا کرسکتے ہیں؟

جواب

حنبلی مسلک میں جمعہ کے دن جمعہ کا وقت چوں کہ زوال سے پہلے شروع ہوجاتا ہے، اس وجہ سے مذکورہ طریقہ کار کےمطابق بیشتر عرب ممالک میں جمعہ کی اذان اور خطبہ کی مذکورہ ترتیب جاری ہے، اگر آپ حضرات کے لیے ممکن ہو تو اپنے امام سے درخواست کریں کہ زوال کے بعد چار رکعت سنت ادا کرنے کا وقت دے دیا کریں، اور اگر یہ ممکن نہ ہو تو ایسی صورت میں جمعہ کی نماز کے بعد سننِ بعدیہ (جمعے کے بعد کی چار سنتیں) ادا کرنے کے بعد سننِ قبلیہ (پہلے والی چار سنتیں) ادا کر لیا کریں۔  خطبہ کے دوران سنن ادا کرنا ممنوع ہے، ملحوظ رہے کہ عرب ممالک میں جمعہ کو جو بیان ہوتا ہے وہی خطبہ جمعہ ہوتا ہے۔ فقط واللہ اعلم