اگر جانور کو ذبح کرنے کے لئے دو آدمیوں نے چھری پکڑی ہو اور ایک تکبیر پڑھےلیکن دوسرا نہ پڑھے تو جانور حلال ہوگا؟
اگر جس نے تکبیر نہیں پڑھی وہ تھوڑا سا گلا کاٹ کر ہٹ جائے اور دوسرا پورا ذبح کردے تو ٹھیک ہے؟
جانور کو ذبح کرنے والے کےلئے بسم اللہ اللہ اکبر پڑھنا واجب ہے، اگر ذبح کرنے والے بیک وقت دو افراد ہوں تو دونوں کے لئے بسم اللہ پڑھناواجب ہے، لہذا پہلی صورت میں اگر دونوں میں سے کسی ایک شخص نے قصدا اور جان بوجھ کر بسم اللہ چھوڑی ہو تو جانور حلال نہ ہوگا، اور دوسری صورت میں بھی پہلے ذبح کرنے والے کے جان بوجھ کر بسم اللہ چھوڑنے کی صورت میں جانور حلال نہیں ہوگا، البتہ بھول،کر چھوڑنے کی صورت میں حلال ہوگا، واللہ اعلم!
فتوی نمبر : 143611200016
دارالافتاء : جامعہ علوم اسلامیہ علامہ محمد یوسف بنوری ٹاؤن