سوال

 میں لوگوں کے ساتھ ملتے ہوئے بہت پریشان ہو جاتا ہوں،  میرا رنگ بھی سرخ ہو جاتا ہے،  میں بات کرتے ہوئے کانپنے لگتا ہوں حتی کہ گھر والوں کے ساتھ بھی بات کرتے ہوئے یہی حال ہوتا ہے ۔ اس کی وجہ سے میں سوچنے لگتا ہوں اور احساس کم تری کا شکار ہو جاتا ہوں اور پھر ڈیپریشن ہو جاتی ہے ، برائے مہربانی اس کا کوئی آیات اور وظیفوں سے علاج بتائیں!

جواب

درج ذیل امور کا اہتمام کیجیے:

1- ہر نماز کے بعد خصوصیت کے ساتھ درج ذیل دعا پڑھنے کا اہتمام کریں، نیز چلتے پھرتے بھی استحضارِ  قلب کے ساتھ پڑھنے کی عادت بنائیں:

{رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي}

2-  صلاۃ الحاجت پڑھ کر اپنی اس نفسیاتی کیفیت پر قابو پانے کے لیے دعا کرتے رہا کریں۔

3- ایسے دینی ماحول میں رہیں جہاں دوسروں کے سامنے بات کرنے اور نصیحت کا موقع ہو، مثلاً: دعوت و تبلیغ کی ترتیب کے مطابق کچھ وقت لگالیجیے۔ فقط واللہ اعلم