سوال

آیاتِ کریمہ کا کوئی وظیفہ بتادیں جس سے دعائیں جلدی قبول ہوسکے؟

جواب

آیت کریمہ" لاالہ الا انت سبحانک انی کنت من الظالمین" خود دعاؤں کی قبولیت کا وظیفہ ہے ، ان الفاظ کے ساتھ  دعاؤں کا قبول ہونا حدیث سے ثابت ہےرسول اللہ ﷺنے ارشاد فرمایا کہ:
ذوالنون ( یعنی یونس علیہ السلام ) کی وہ دعا جو انہوں نے مچھلی کے پیٹ کے اندر مانگی تھی (یعنی لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ) جو مسلمان اپنے کسی بھی مقصد کے لیے ان کلمات کے ساتھ دعا کرے گا اللہ تعالی اس دعا کو قبول فرماویں گے ۔( رواه الترمذي والحاكم)

باقی دعاؤں کی قبولیت کی جو شرائط احادیثِ مبارکہ میں آئی ہیں، اور جو آداب واحکام بیان کیے گئے ہیں، ان کو پورا کرنا دعاؤں کی قبولیت کے لیے بنیاد کی حیثیت رکھتا ہے۔ فقط واللہ اعلم