سوال

ایک شخص کی جنرل سٹور کی دکان ہے، اس نے دکان میں داڑھی مونڈنے والی مشین , شیونگ کریم اور شیونگ برش رکھے ہوئے ہیں تو کیا شرعاً ان آلات کا فروخت کرنا جائز ہے؟

جواب

مذکورہ آلات کا استعمال اگر داڑھی مونڈنے یا ایک مشت سے کم کرنے کے لیے کیا جائے تو یہ استعمال ناجائز ہے، لیکن اگر ان آلات کو مونچھوں یا گالوں کے بالوں کی صفائی کے لیے استعمال کیا جائے تو یہ استعمال جائز ہے۔ چوں کہ ان آلات کو جائز اور ناجائز دونوں طریقوں سے استعمال کیا جاسکتا ہے؛ اس لیے ان آلات خرید و فروخت جائز ہے، لیکن ان کا ناجائز استعمال غلط ہے۔ فقط واللہ اعلم