بغیر داڑھی والے یا ایک مٹھی سے کم کرانے والے کے پیچھے تراویح پڑھنا کیسا ہے؟اور وہ شخص کہہ رہا ہے جب اللہ پاک توفیق دیں گے تو رکھ لوں گا!
جو شخص داڑھی منڈوائے یا ایک مشت سے کم کرے اس کی اقتدا میں تراویح پڑھنا مکروہ تحریمی (ناجائز)ہے۔انسان ارادہ کرے تو اللہ تعالیٰ توفیق عطا فرمادیتےہیں، توفیق مانگنی بھی چاہیے اور اپنے تئیں نیک عمل کی طرف قدم بھی اٹھانا چاہیے۔ انسان مجبورِ محض نہیں ہے، بلکہ دنیا دار العمل ہے، جہاں اپنے اختیار سے راہ چننی ہوتی ہے۔ اس لیے مذکورہ شخص کو حکمت سے سمجھانا چاہیے۔فقط واللہ اعلم
فتوی نمبر : 143909200997
دارالافتاء : جامعہ علوم اسلامیہ علامہ محمد یوسف بنوری ٹاؤن