زید غریب ہے اپنی بیٹی کا رشتہ عمر کے لیے فی سبیل اللہ کرتا ہے، اب:
١) عمر اپنی خوشی سے زید کے ساتھ شادی کی تیاری کے سلسلے میں تعاون کرنا چاہتا ہے۔
٢) عمر اپنی خوشی سے زید کے ساتھ جہیز کے سلسلے میں تعاون کرنا چاہتاہے ۔
کیا زید کے لیے یہ دونوں صورتیں جائز ہیں؟ راہ نمائی فرمائیں۔
واضح رہے کہ بغیر کسی نمود ونمائش کے اپنی استطاعت کی حد تک جہیز دینا جائز ہے، نبی اکرم صلی اللہ علیہ وسلم نے بھی اپنی بیٹی حضرت فاطمہ رضی اللہ عنہا کو مختصر گھریلو ضرورت کا سامان شادی کے موقع پر دیا تھا، اب عمر اپنے سسر کے ساتھ اس مد میں اپنی جانب سے تعاون کرنا چاہتا ہے تو کرسکتا ہے۔ فقط واللہ اعلم
فتوی نمبر : 143812200062
دارالافتاء : جامعہ علوم اسلامیہ علامہ محمد یوسف بنوری ٹاؤن