عورتیں کالے کپڑے سلوا سکتی ہیں ؟ کسی دوسرے رنگ کے کپڑوں کے ساتھ کالی شلوار سلوا سکتے ہیں ؟
عورتیں کالے کپڑے سلواسکتی ہیں، بشرطیکہ کسی خاص رسم یا عقیدہ کی بنیاد پرنہ ہو، اسی طرح کسی دوسرے رنگ کے کپڑے کے ساتھ کالی شلوار سلانا بھی جائز ہے، ام المؤمنین حضرت عائشہ رضی اللہ عنہا نے نبی کریم علیہ الصلاۃ والسلام کی چادر کو کالے رنگ میں رنگا، تو آپ ﷺنے اسے زیبِ تن فرمایا؛ لہٰذا کالا لباس پہننا جائزہے، البتہ آج کے دور میں مکمل کالا لباس باطل فرقے (شیعہ) کا شعار ہوچکا ہے؛ اس لیے بہتر ہے کہ پورے کالے لباس سے جہاں تک ہوسکے احتیاط رکھیں،(خصوصاً جن دنوں میں وہ کالے لباس کا اہتمام کرتے ہیں ان دنوں میں تو بالکلیہ اجتناب کریں)؛ تاکہ ان کی مشابہت سے بچ جائیں ۔فقط واللہ اعلم
فتوی نمبر : 143909200593
دارالافتاء : جامعہ علوم اسلامیہ علامہ محمد یوسف بنوری ٹاؤن