میری بہن نے اپنے سے خلع لینے کے سلسلہ میں عدالت سے رجوع کیا تھا تو عدالت نے انہیں 13 اگست کو خلع دے دی ہے، پوچھنا یہ ہے کہ ان کی عدت کب سے شروع ہوگی؟
صورتِ مسئولہ میں اگر عدالتی خلع شوہر نے تسلیم کرلیاتھا تو فیصلہ کے ساتھ ہی مذکورہ خاتون کی عدت شروع ہوچکی ہے، اور مکمل تین ماہواریاں بطورِ عدت گزارنا ان پر لازم ہوگا۔ البتہ اگر ان کے شوہر نے خلع تسلیم نہیں کیاتھا، بلکہ یک طرفہ طور پر خلع کا فیصلہ دیا گیا تھا تو اس صورت میں مذکورہ عدالتی خلع شرعاً نافذ نہیں ہوا جس کی وجہ سے مذکورہ خاتون بدستور اپنے شوہر کے ہی نکاح میں ہیں اور ان پر عدت لازم نہیں۔فقط واللہ اعلم
فتوی نمبر : 143909202225
دارالافتاء : جامعہ علوم اسلامیہ علامہ محمد یوسف بنوری ٹاؤن