حضرت سمیر اور حضرت ابراہیم علیہ السلام کے بارے میں کوئی کتاب بتادیں جس میں ان کی سیرت ہو؛ کیوں کہ میرے شوہر اور بیٹے کا نام ہے، میں چاہتی ہوں کہ ان کو بتاؤں!
حضرت ابراہیم علیہ السلام کی سیرت کے لیے "قصص النبیین" یا "قصص الانبیاء" مطالعہ کی جائے۔ اگر عربی سے کچھ واقفیت ہے اور دینی کتب کا مطالعہ رہتاہے تو انبیاء کرام علیہم السلام کے تفصیلی اور مدلل تذکرے کے لیے "قصص القرآن" کا مطالعہ کیجیے۔
"سمیر " نام کے کسی نبی کا تذکرہ قرآن مجید اور احادیث نبویہ میں موجود نہیں ہے۔ اس لیے ان کے بارے میں علم نہیں ہے۔ فقط واللہ اعلم
فتوی نمبر : 143909201839
دارالافتاء : جامعہ علوم اسلامیہ علامہ محمد یوسف بنوری ٹاؤن