سوال

کیاجہیز کے سامان پر زکاۃ ہوتی ہے؟

جواب

جہیزکے سامان میں  سے سونا اور چاندی  نصاب کے برابر ہو تو اس پر زکاۃ آئے گی ۔دیگر سامان پر زکاۃ  نہیں آئے گی۔

چاندی کا نصاب تولہ کے حساب سے ساڑھے باون تولہ، اور گرام کے اعتبار سے ۶۱۲؍گرام ۳۶۰؍ملی گرام ہوتا ہے۔اگر جہیز میں صرف سونا ہو، چاندی بالکل نہیں ہو، اور نقد رقم بھی موجود نہ ہوتو جب تک ساڑھے سات تولہ سونا یا اس سے زائد نہ ہو تو اس پر زکاۃ واجب نہیں ہوگی، لیکن اگر سونا اور چاندی دونوں ہوں یا سونے کے ساتھ کچھ بھی نقد رقم بنیادی ضرورت سے زائد موجود ہو تو  جب کل مال کی مالیت چاندی کے نصاب کے بقدر ہو جائے تو اس پر زکاۃ  لازم ہوگی۔

"نصاب فضة مأتا درهم بالإجماع". (الموسوعة الفقهیة ۲۳؍۲۶۴)

"والفضة مأتا درهم، کل عشرة دراهم وزن سبعة مثاقیل". (تنویر الأبصار مع الدر المختار ۳؍۲۳۴)  فقط واللہ اعلم