کیا کسی حدیث یا سنت سے ثابت ہے کہ جمعہ کے دن جو نیا لباس پہنا جائے اس کا اللہ حساب کتاب نہیں لیتے ؟
”جمعہ کے دن پہنے جانے والے نئے کپڑوں کا آخرت میں کوئی حساب نہیں ہوتا“ اس سلسلے میں تلاش کے باوجود کوئی حدیث ہمیں نہیں مل سکی۔
البتہ ایک حدیث ہے:
"عن أنس رضي اللّٰه عنه قال: کان رسول اللّٰه صلی اللّٰه علیه وسلم إذا استجد ثوبًا لبسه یوم الجمعة". (سبل الهدیٰ والرشاد / جماع أبواب سیرته ﷺ في لباسه ۷؍۲۶۹)
ترجمہ: رسول اللہ ﷺ جب کوئی نیا لباس استعمال فرماتے تو جمعہ کے دن اسے زیبِ تن فرماتے تھے۔ فقط واللہ اعلم
فتوی نمبر : 144008201884
دارالافتاء : جامعہ علوم اسلامیہ علامہ محمد یوسف بنوری ٹاؤن