اگر جمعہ کی نماز فوت ہو جاۓ تو اس دن کی ظہر اکیلے پڑھیں یا جماعت کے ساتھ پڑھیں؟
شہر میں اگر کسی جگہ جمعہ کی نماز ملنے کی امید ہو تو اولاً وہاں باجماعت نماز ادا کرے۔ اگر کسی جگہ ملنے کی امید نہ ہو تو جمعہ فوت ہونے کی صورت میں اس دن کی ظہر اکیلے پڑھے، باجماعت پڑھنا مکروہِ تحریمی ہے۔
الدر المختار وحاشية ابن عابدين (رد المحتار) (2 / 157):
"(وكره) تحريماً (لمعذور ومسجون) ومسافر (أداء ظهر بجماعة في مصر) قبل الجمعة وبعدها؛ لتقليل الجماعة وصورة المعارضة، وأفاد أن المساجد تغلق يوم الجمعة إلا الجامع (وكذا أهل مصر فاتتهم الجمعة)؛ فإنهم يصلون الظهر بغير أذان ولا إقامة ولا جماعة". فقط واللہ اعلم
فتوی نمبر : 144012201277
دارالافتاء : جامعہ علوم اسلامیہ علامہ محمد یوسف بنوری ٹاؤن