سوال

منڈی میں قربانی کا جانور خریدتے وقت TMA والے ٹیکس لیتے ہیں,  اس کا کیا حکم ہے؟حال آں کہ TMA سے ہمیں کسی قسم کا فائدہ نہیں۔

جواب

اگر ٹیکس  بقدرِ ضرورت ہی لگایا جائےاور لوگوں کے لیے قابلِ برداشت بھی ہو، نیزوصولی کا طریقہ مناسب ہو اوروصول کردہ  ٹیکس کی رقم کو ملک و ملت کی واقعی ضرورتوں اور مصلحتوں پر صرف کیاجائے توایسے ٹیکس کی اجازت ہے۔ اور اگر ٹیکس وصولی میں ان شرائط کا لحاظ نہ کیا جاتا ہو تو ایسا ٹیکس  لینا جائز نہیں، اور ایسا ٹیکس لینے والوں کے متعلق احادیث میں وعید آئی ہے۔ لہذا ٹیکس اگر ضرورت کے بقدر ہو اور حکومتی کارندے وصول کررہے ہوں تو وہ ٹیکس ادا کرنا چاہیے۔ فقط واللہ اعلم