میرے پاس تین تولہ سونا اور ایک لاکھ نقدی ہے، جسے تقریباً سال گزر چکا ہے، اس پر زکاۃ ہو گی؟ اور کتنی ادا کرنا ہو گی ، اس کا حساب کیسے لگائیں گے؟
جی ہاں آپ کے اوپر زکاۃ ادا کرنا لازم ہے جس کا حساب لگانے کا طریقہ یہ ہے کہ آپ تین تولہ سونے کی موجودہ مارکیٹ ویلیو معلوم کریں، اس ویلیو اور ایک لاکھ کے مجموعہ کا ڈھائی فیصد نکال کر اس کو زکاۃ کی مد میں دے دیں، زکاۃ کی رقم معلوم کرنے کا آسان طریقہ یہ ہے کہ مجموعہ مالیت کو چالیس سے تقسیم کردیں، حاصلِ جواب زکاۃ کی واجب الادا رقم ہوگی۔ فقط واللہ اعلم
فتوی نمبر : 143909200502
دارالافتاء : جامعہ علوم اسلامیہ علامہ محمد یوسف بنوری ٹاؤن