ایک شخص کی دوبیویاں ہیں، ان میں سےپہلی والی بیوی کووہ تین طلاقیں دیتاہے جب کہ دوسری بیوی بھی وہیں پرموجودہوتی ہے، پھردونوں سےمخاطب ہوکر کہتاہے: تم دونوں طلاق ہو، میرےگھرسےچلی جاؤ۔ تودونوں چلی گئیں۔اب مذکورہ شخص کی دوسری بیوی پربھی طلاق ہوگی یا نہیں؟اگرطلاق ہوتی ہےتوکون سی طلاق ہوگی؟
پہلی بیوی کو تین طلاقیں صراحۃً دی تھیں، اس پر تو اسی وقت تین طلاقیں واقع ہوگئی تھیں، پھر جب دونوں بیویوں سے مخاطب ہوکر یہ کہا کہ تم دونوں طلاق ہو، میرے گھر سے چلی جاؤ، اس سے پہلی بیوی پر تو مزید کوئی طلاق واقع نہیں ہوئی، البتہ دوسری بیوی پر ایک طلاقِ رجعی واقع ہوگئی ہے، عدت کے دوران رجوع کا حق حاصل ہے، آئندہ شوہر کو صرف دو طلاقوں کاحق رہے گا۔ فقط واللہ اعلم
فتوی نمبر : 144012200723
دارالافتاء : جامعہ علوم اسلامیہ علامہ محمد یوسف بنوری ٹاؤن