تلبینہ جیسی پروڈکٹ کو ممبر سے بیان کرنا یا اس کے فروخت کے لیے دو چار جملے کہہ دینا مناسب ہے یا نہیں؟
’’تلبینہ‘‘ ایک غذا ہے، جس کا ذکر احادیثِ مبارکہ میں ہے، اور اس کے مختلف فوائد بھی ہیں؛ لہٰذا نفسِ تلبینہ سے متعلق جو روایات اور احادیث ہیں ان کا ذکر منبر سے کرنا اور اس کے استعمال کے فوائد بیان کرنا یا ترغیب دینا تو درست ہے۔ البتہ تلبینہ کی مروجہ پروڈکٹ کی تشہیر اور مارکیٹنگ لیے مسجد کےمنبر کا استعمال درست نہیں ہے۔ فقط واللہ اعلم
تلبینہ سے متعلق تفصیل اور روایات کے لیے درج ذیل لنک پر جامعہ کا فتوی ملاحظہ فرمائیں:
احادیث مبارکہ میں وارد ''تلبینہ'' نامی غذا سے متعلق سوال
فتوی نمبر : 144008200111
دارالافتاء : جامعہ علوم اسلامیہ علامہ محمد یوسف بنوری ٹاؤن