میں نارووال شہر کا رہائشی ہوں اور فیصل آباد جامعہ زرعیہ میں پڑھتا ہوں اور جامعہ کے ہاسٹل میں ہی رہائش پذیر ہوں، کبھی گھر سے جاتے ہوئے واپسی کے دن کا تعین کرتا ہوں اور کبھی نہیں،کبھی تعین شدہ دن پہ رخصت ہو جاتی ہے اور کبھی اگلے ہفتے تک تاخیر ہو جاتی ہے۔ کیا میں اپنے ہاسٹل میں قیام کے وقت قصر نماز ادا کروں گا یا مکمل ؟
آپ اپنے تعلیمی ادارے جامعہ زرعیہ فیصل آباد میں اگر اب تک اکھٹے پندرہ دن یازائد قیام کے ارادے سے نہیں ٹھہرے تو آپ فیصل آباد میں قصرنماز ہی ادا کریں گے۔ اور اگر ایک مرتبہ فیصل آباد میں پندرہ دن یا زائد کی اقامت کی نیت سے ٹھہر چکے ہیں توپھرجب تک مستقل طورپرفیصل آباد سے منتقل نہ ہوجائیں،فیصل آباد میں مقیم شمارہوں گےاورمکمل نماز اداکریں گے خواہ فیصل آباد میں پندرہ دن سے کم ہی ٹھہرناہو۔ فقط واللہ اعلم
فتوی نمبر : 143904200083
دارالافتاء : جامعہ علوم اسلامیہ علامہ محمد یوسف بنوری ٹاؤن