سوال

فوٹو کھنچوانا کیسا ہے؟  کیا وہ طریقہ درست ہے جو لڑکیوں نے آج کل اپنایا ہوا ہے کہ طرح طرح کے فوٹو کھنچواتی  ہیں اور اس کو دوسروں تک بھیجتی ہیں یا اپنے فون میں رکھتی ہیں؟  کیسے ان کی رہنمائی کی جائے؟

جواب

جان دار کی تصویر سازی شرعاً حرام ہے، اور اس پر احادیث میں شدید نوعیت کی وعیدات وارد ہوئی ہیں، اپنی تصاویر دوسروں کو ارسال کرنا حرام کام کی اشاعت کے ساتھ ساتھ سوشل میڈیا کے اس پر فتن دور میں کئی اور فاسد پر مشتمل ہے، جس سے اجتناب کرنا نہایت ضروری ہے۔

ایسی خواتین کی اصلاح اور راہ نمائی ان حضرات کی ذمہ داری ہے جو اُن کے سرپرست ہیں، یا دیگر مسلمان خواتین کو چاہیے کہ وہ اپنی مسلمان بہنوں کی دنیا و آخرت بچانے کی فکر کریں۔ اگر سائل کی کوئی غیر محرم خاتون/ لڑکی اس بری عادت میں مبتلا ہے تو اولاً سائل کے لیے ان کی تصاویر دیکھنا جائز نہیں ہے، ثانیاً ان کی اصلاح براہِ راست اس کے ذمہ بھی نہیں۔ فقط واللہ اعلم