کیا تراویح چاررکعات کرکے پڑھائی جاسکتی ہے؟ جیسے بیس رکعات دس سلاموں کے ساتھ پڑھائی جاتی ہیں اگرپانچ سلاموں کے ساتھ پڑھائی جائیں تو جائز ہے یانہیں؟
نماز تراویح میں افضل دو دو رکعت کرکے پڑھناہے، یعنی ہر دو رکعت پر سلام پھیرناچاہیے،تراویح میں چاررکعات ایک سلام کے ساتھ پڑھنا متوارث طریقہ کے خلاف ہے،اگرچہ اس طرح بھی تراویح ہوجاتی ہے۔فقط واللہ اعلم
فتوی نمبر : 143809200008
دارالافتاء : جامعہ علوم اسلامیہ علامہ محمد یوسف بنوری ٹاؤن