سوال

بیوی کی بہنوں سے پردہ ہے یا نہیں؟ اور ان کے ساتھ گپ شپ یا صرف ملاقات کے وقت سلام کرنا اور بچوں اور گھر کے کی خیر خبر  کی بات چیت کرنا جائز ہے یا نہیں؟

جواب

بیوی کی بہن (یعنی سالی) چوں کہ نا محرم ہوتی ہے؛  اس  لیے اس  سے پردہ کرنا لازم ہے، ان کے ساتھ بلا ضرورت بات چیت اور گپ شپ یا ہنسی مذاق کرنا، تنہائی میں ساتھ رہنا اور بے پردہ سامنے آنا وغیرہ جائز نہیں ہے، بلکہ مشاہدہ ہے کہ ایسا کرنے سے بڑے بڑے فتنے جنم لیتے ہیں۔  البتہ کوئی ضروری بات ہو تو پردہ کے اہتمام اور سنجیدگی کے ساتھ اس بات کے کرنے کی گنجائش ہے۔ فقط واللہ اعلم