سوال

اگر ایک عورت کے شوہر کا انتقال ہوجائے اور وہ عورت بعد عدت کے دوسری شادی کرلے تو کیا پہلے شوہر کی میراث میں سے کچھ حصہ دوسرے شوہر کو ملے گا؟

جواب

صورتِ مسئولہ میں شوہر کے انتقال کے بعد اس کے ترکہ میں اس کی بیوہ کا تو حصہ ہوگا، اگر چہ وہ عدت گزرنے کے بعد دوسری جگہ نکاح کرلے۔ تاہم نکاح کے بعد اس  بیوہ کے پہلے شوہر کی میراث میں سے دوسرے شوہر کا کوئی حق وحصہ نہیں ہوگا۔

ہاں! اگر بیوہ کا انتقال ہوجائے تو اس کا جو حصہ پہلے شوہر کے ترکے میں سے ہوگا، اسے بیوہ کے دیگر ترکے کے ساتھ ملاکر اس کے ورثاء (بشمول دوسرے شوہر) میں بقدرِ حصص تقسیم کیا جائے گا۔ فقط واللہ اعلم