مجھے بہبود سرٹیفکیٹ کے بارے میں پوچھنا ہے جو National saving center جاری کرتا ہے، یہ صرف بوڑھے لوگوں کے لیے ہوتے ہیں، جس میں سرمایہ کاری کی کوئی حد ہے۔ایک آدمی ریٹائر ہے اور کسی طرح آمدنی نہیں کرسکتا، اس کے لیے کیا اس کا نفع حلال ہے یا نہیں؟
National saving center کا ادارہ عوام سے رقم جمع کرکے ان کو ان کی رقم پر منافع دیتا ہے۔بہبود سرٹیفکیٹ بھی اسی کی ایک قسم ہے۔
نیشنل سیونگ بہبود سرٹیفکیٹ سے حاصل ہونے والا نفع شرعاً سود ہے، لہٰذا اس میں رقم لگانا اور اس کا نفع لینا حلال نہیں۔ ایسے شخص کو اپنی رقم کسی حلال کام میں لگا کر نفع کمانا چاہیے۔ فقط واللہ اعلم
فتوی نمبر : 143909201967
دارالافتاء : جامعہ علوم اسلامیہ علامہ محمد یوسف بنوری ٹاؤن